انا بحب
بحب افكر
وانا بفكر تعبت قولت.. كفاية افكر
احب اسكر طب لما بسكر؟ تفكير هابطل؟
بالطبع لا... تفكيرى زاد
وجاب سهاد زادت مشاكلى
يامين يجيبلى دكتور جليل ياخد قليل
ويشيلى تعبى
ساعتها صاحبى
غمز وقالى بطل تملى شغل الجنان
خدلك جوان بلاها بيرة وبلاها خمرة
عشان حرام
وانت الحرام بيهز عقلك يوجع ضميرك
وتيجى تشكى قلة منام
حشيشى اصلى مش صنعة مصرى
بتاعت اللى ركبها يدوى
جاب كيلو حنة وبنج اصلى
طبخها طبخة وداق وقال كده تمام
اكيد هتعجب عواطلى صايع او شاب ضايع
عايز يفكر ودى جنان... هتقل عقله وتزيدله ضحكه
وبسرعه ينسى كل الملام
خدت الجوان وقولت اجرب
يمكن يخلى عقلى ينام
شربت منه وضحكنا ياما وسابنى صاحبى علشان انام
فكرت فيها دى رقة صافية وبحر هادى
مشيت سابتنى كان غصب عنها قالتلى ياما وانا اللى اعمى
برضه بفكر
طب اعمل ايه قلبى حاببها بس اعمل ايه
شغلانتى كيحة هتعمل ايه هاتجبلى شقة sure مستحيل
طب اعمل ايه
هافضل افكر منا نفسى اناام
وصاحبى قالى ده نوع خطير... بس انت شد هتروح فى بير... كله ابتسام
طب فينها ضحكة او حتى بسمة خلاص دى ماتت ضحكة زمان
ضحكة طفولتى من غير مافكر
كانت بريئة بركان حنان
دلوقتى اضحك سنانى صفرا من السجاير وايه كمان
اه من الحشيش معايا اعيش ولو معيش سريرى خيش
وصاحبى سابنى لا قالى فكرة ولا حتى قالى
هتعمل ايه ياخيبة بكرة
طب صاحبى ليه بينام سعيد
عشان اكيد حالته انبساط
بيجيبلى بيرة وساعات حشيش
خلى حياتى غاية انحطاط
طب اعمل ايه افضل افكر ولا انام
طب لما انام ايه الكلام
هييجى بكرة ازاى هنام
هشرب حشيش اكيد مفيش فلوس تجيبه منا ابن فقر مش زى صاحبى
هاروح لصاحبى اكيد ماقالها كام مرة ليه اسف ماعيش
لازم افكر منا مش هنام غير لما افكر
ايه الجديد
خلاص لقيتها لا مش لقيتها ده انا لو لقيتها اكيد هنام
مش جايلى نوم اذان بياذن طب ده بتاع ايه ؟
ده فجر بكرة ليوم جديد
وانا مش سعيد
هافضل تعيس من شر شربى وتعب ضميرى طب اعمل ؟
صوته جميل ونادى تانى اقوم اصلى ولا اعمل ايه
كتير قالولوا امى وابوية يا ابنى صلى فرجك اكيد
اقوم اجرب
ولا اعمل ايه
هاقوم اجرب
يمكن اكيد هياخدنى ربى اليه بحديد
ياريت ياخدنى ومقولشى سبنى ده نا شاب عايز اعيش رومانسى وخيالى جدا
هاقوم اجرب قام الصلاة
الله اكبر الله اكبر
ياترى هالحق لا مش اكيد
طيب هنام طالما فاتنى
ونمت خالص صحونى بدرى
بشد ايدى مالقتش ايدى
ليه مش حاسسها
امى تصوت طب ليه تصوت
قالت ده مات بشد ايدى مالقتش ايدى
حركت راسى ثبتت مكانها
يانهارى اسود لاكون خلصت
حركت ايدى اكتر واكتر
واهز راسى ولا ادنى فايدة
انهارت امى وجالها والدى ورفعلى ايدى وسابها ردت
رفعت صوتى وفضلت اصرخ واقوله يابا انا حودة ابنك
ولا حد سامع ولا حد حاسس يالهوى مت
طب اعمل ايه فضلت افكر اخرتها ايه
اخرتها ميت مسطول وشارب يقابلنى ربى هاقوله ايه
جربت اصوت ولاحد سامع ده اكيد بجد
فى نار جهنم هياخدو روحى
عذاب ياريت اللى فات يعود
وارجع واحيا لربى اتوب
لكن خلاص مفيش خلاص
الموت ده حق وانا انتهيت
دموعى نزلت وصراخى زاد
رب العباد ارحمنى ربى
وجتلى امى مالك يا واد
كابوس جالك قلق منامك قوم يابنى صلى وادعيله يمكن
ياخد بايدك ويشد حيلك
فتحت عينى لقيتها فتحت حركت ايدى سمعت كلامى
شكرا ياربى هاسمع كلامك ولا هافكر ولا هنام
ها اصحى ليلك اعبد واصلى
واشوف نجومك واسبح اسمك
واعطف على امى وابر والدى
يجازيك يا صاحبى اسمك شيطانى
وعامل ملاكى فى داهية عنى
لاحنا صحاب ولا فى حشيش او حتى بيرة
صاحبك خلاص
تايب لربه تيجى معاية اهلا وسهلا
تخاصمنى احسن هافرح واشكر
ربى اللى نجى وسابنى عايش علشان اتوبله
واسجد وافكر فى دينى بس
علشان احس بطعم نوم جميل وهادى
ابعد يا صاحبى انا مش هافكر بدل الحشيش هاكل زبادى
وشغلى اولى يارب بارك يارب زيد من اليوم ده عيد
عيدى فى رجوعى لرب العباد
